भारतीय दूतावासले मनायो ७८ औँ सेना दिवस

काठमाडौँ- काठमाडौँस्थित भारतीय दूतावासले ७८ औँ भारतीय सेना दिवसको अवसरमा विशेष कार्यक्रमको आयोजना गरेको छ।

दूतावास परिसरमा आयोजना गरिएको कार्यक्रममा दुई देशबीचको ऐतिहासि सैन्य सम्बन्ध र गोर्खा सैनिकहरूको योगदानलाई स्मरण गरियो।

कार्यक्रममा नेपाली सेनाका प्रधानसेनापति अशोकराज सिग्देल मुख्य अतिथिका रुपमा सहभागी भएका थिए। यस अवसरमा प्रधानसेनापति सिग्देलले भारतीय सेनालाई ७८ औँ स्थापना दिवसको अवसरमा बधाई तथा शुभकामना व्यक्त गरे।

समारोहलाई सम्बोधन गर्दै भारतीय दूतवासका कार्यवाहक राजदूतले भारतीय सेनाा कार्यरत वीर गोर्खा सैनिकहरूको साहस र बलिदानको प्रशंसा गरे।

कार्यक्रममा दुई देशका सैनय अधिकारी, कूटनीतिज्ञ र विशिष्ट व्यक्तित्वहरूको उपस्थिति रहेको थियो।