हिमाल प्रेस 
भक्तपुर- जिल्ला प्रहरी परिसर भक्तपुरले १६ थान (जंगी राउन्ड) एसएलआरको गोलीसहित जेनजी आन्दोलनका क्रममा आगजनी तथा लुटपाटमा संलग्न भएको आरोपमा एक जनालाई पक्राउ गरेको छ।
जिल्ला प्रहरी परिसर भक्तपुरका सूचना अधिकारी प्रकाश जबेजुले सिन्धुपाल्चोक बाह्रबिसे नगरपालिका-९ घर भई हाल चाँगुनारायण नगरपालिका-८ शंकर भट्टामा काम गर्दै आएका २२ वर्षीय सुमन कार्कीलाई पक्राउ गरिएको जानकारी दिए।
प्रहरीले कार्कीको कोठाबाट १६ थान (जंगी राउन्ड) एसएलआरको गोलीसमेत फेला परेको जनकारी दिँदै कार्कीलाई हिरासतमा राखेर थप अनुसन्धान गरिरहेको बताए।
त्यस्तै, भक्तपुर प्रहरी परिसरले गत भदौ २४ गतेको जेनजी आन्दोलनका क्रममा विभिन्न कारागारबाट फरार भएका थप १३ जना कैदीबन्दीलाई पक्राउ गरी सम्बन्धित कारागार पठाएको प्रहरी नायब उपरीक्षक जबेजुले जानकारी दिए।
प्रकाशित: १४ कार्तिक २०८२ ६:३७
प्रतिक्रिया
