कुवेतले नेपाललाई दियो १८६ रनको लक्ष्य

काठमाडौँ- हङकङमा जारीमा चार देशीय अन्तर्गतको टी २० शृंखलामा नेपाललाई कुवेतले १८६ रनको लक्ष्य प्रदान गरेको छ।

मिसन रोड ग्राउन्डमा निर्धारित २० ओभरमा कुवेतले ८ विकेट गुमाएर १८५ रन बनायो। नेपालका लागि सोमपाल कामीले ४ ओभरमा ३ विकेट लिँदै कुवेतका ब्याटरमाथि हाबी भएका थिए। नन्दन यादव २ विकेट लिँदा कुशल भुर्तेल र ललित राजवंशीले समान १-१ विकेट झारे।

टस हारेर ब्याटिङ गरेको कुवेतका लागि ओपनर ब्याटरले राम्रो सुरुवात गरेका थिए। राविजा सन्दारुवानले २९ रनको पारी खेल्दा क्लिनटो अन्तोले ४१ रन बनाए। मित मान्सारले ३५ रन जोड्दा विलाल ताहिरले ३२ रन थपे।

कप्तान मोहम्मद अस्लामले १७ रनमा अन्तिम बलमा रनआउट भए।