हिमाल प्रेस 
काठमाडौँ- काठमाडौँ उपत्यकाको शान्ति सुरक्षाबारे अहिले गृह मन्त्रालयमा बैठक जारी छ। छलफल गृह मन्त्रालयका सचिव दिनेश भट्टराईको नेतृत्वमा भइरहेको छ।
मङ्सिरमा ७ मा दुर्गा प्रसाईँ नेतृत्वको ‘राष्ट्र, राष्ट्रियता, धर्म, संस्कृति र नागरिक बचाऔँ महाअभियान’ र एमालको युवा सङ्घले आयोजना गरेको प्रदर्शनबारे छलफल भइरहेको छ। बैठकमा काठमाडौँ उपत्यकामा कार्यरत प्रमुख जिल्ला अधिकारीहरू र सुरक्षा निकायका प्रमुखहरू सहभागी छन्।
युवा सङ्घ र मेडिकल व्यवसायी प्रसाईँ समूहले माइतीघर मन्डलामा एकै दिन प्रदर्शन गर्ने घोषणा गरेसँगै सो क्षेत्रमा झडप हुनसक्ने आकलन गरिएको छ। पछिल्लो समय एमालेका नेता र प्रसाईं भाषणहरूमा पनि एक अर्कालाई गम्भीर आरोप लगाइरहेका छन्।
प्रकाशित: ३ मंसिर २०८० १३:४५
प्रतिक्रिया
