हिमाल प्रेस 
इटहरी- धरानस्थित बीपी कोइराला स्वास्थ्य विज्ञान प्रतिष्ठानको उपकुलपतिमा पहिलोपटक महिलालाई जिम्मेवारी दिइएको छ।
प्रतिष्ठानका कुलपतिसमेत रहेका प्रधानमन्त्री वालेन्द्र शाहले प्राडा. स्मृति कार्की लाई प्रतिष्ठानको उपकुलपतिमा नियुक्त गरेका हुन्।
कार्की प्रतिष्ठानको प्याथोलोजी विभागकी प्राध्यापक हुन्। उनी यसअघि प्रतिष्ठानको कार्यकारी परिषद् सदस्यका रूपमा कार्यरत थिइन्।
उपकुलपति नियुक्तिसँगै लामो समयदेखि नेतृत्वविहीन अवस्थामा रहेको प्रतिष्ठानले स्थायी नेतृत्व पाएको छ।
पछिल्लो समय प्रतिष्ठानमा सुशासन, सेवा सुधार र संस्थागत व्यवस्थापनलाई प्रभावकारी बनाउने प्रयास भइरहेका बेला डा. कार्कीको नियुक्तिलाई प्रतिष्ठानको दीर्घकालीन सुधार र स्थायित्वतर्फको महत्त्वपूर्ण कदमका रूपमा हेरिएको छ।
प्रकाशित: २५ असार २०८३ २०:५६ | Thursday, July 9, 2026
प्रतिक्रिया
