दीपक खड्काको प्रत्यक्षीकरण रिटमा कागजात झिकाउने आदेश, शुक्रबार सुनुवाइ

काठमाडौँ- पूर्वऊर्जा मन्त्री तथा नेपाली कांग्रेसका नेता दीपक खड्काले दायर गरेको बन्दी प्रत्यक्षीकरण रिटमा सर्वोच्च अदालतले कागजात झिकाउने आदेश दिएको छ।

न्यायाधीश महेश शर्मा पौडेल र सुनिलकुमार पोखरेलको इजलासले रिटको सुनुवाइ शुक्रबारका लागि तोकेको हो।

अदालतले काठमाडौं जिल्ला अदालत र सम्बन्धित निकायबाट लिखित जवाफ माग्दै आवश्यक कागजात पेश गर्न निर्देशन दिएको छ। हिरासत म्याद थपसम्बन्धी कागजात र अनुसन्धान विवरणसमेत झिकाउन आदेश दिइएको छ।

सम्पत्ती शुद्धीकरण मुद्दामा खड्कालाई केन्द्रीय अनुसन्धान ब्युरोले चैत १५ गते पक्राउ गरेको थियो।