हिमाल प्रेस 
सभापति गगन थापा। फाइल तस्बिर।
काठमाडौँ- नेपाली कांग्रेसका केन्द्रीय सभापति गगन थापा मंगलबार सप्तरी जाँदैछन्। निर्वाचनलक्षित नेता–कार्यकर्ता भेटघाटका लागि उनी त्यसतर्फ जान लागेका हुन्।
पार्टीका जिल्ला सभापति एवं सप्तरी क्षेत्र नम्बर १ का उम्मेदवार रामदेव साहका अनुसार थापाले भारदहस्थित कंकालिनी मन्दिरको दर्शन गरी क्षेत्र नम्बर १ को कार्यालय पुगेर सम्बोधन गर्ने कार्यक्रम छ। त्यसपछि क्षेत्र नम्बर ३ को कठौनामा कार्यकर्तासँग भेटघाट गर्ने कार्यक्रम छ।
क्षेत्र नम्बर ४ मा पनि कार्यकर्तासँग भेटघाट गर्ने कार्यक्रम तय भएको साहले जानकारी दिए।
प्रकाशित: २७ माघ २०८२ ९:०० | Tuesday, February 10, 2026
प्रतिक्रिया
