हिमाल प्रेस 
नवलपरासी- अत्यधिक चिसोका कारण (बर्दघाट सुस्ता पश्चिम) नवलपरासीमा माछा मर्न थालेका छन्। पाल्हीनन्दन गाउँपालिका-४ स्थित कृष्णबहादुर सहानीले चिसोका कारण माछा जोगाउन नसकेको बताए।
उनले १० वर्षदेखि ६ बिघामा व्यावसायिक माछापालन गर्दै आएका छन्। उनको भनाइमा लामो समयसम्म शीतलहरका कारण माछा पोखरीको तापक्रम घटेपछि माछा मर्न थालेका हुन्।
चिसो कारण माछाले दाना पनि खान छोडेको उनको भनाइ छ। प्रतापपुर गाउँपालिका-२ का भवानी शंकर यादवले पनि १६ बिघामा व्यावसायिक रूपमा माछापालन गर्दै आएका छन्।
अत्यधिक चिसोका कारण २० क्विन्टल बैखी माछा मरेको उनले बताए।
प्रकाशित: २१ पुष २०८२ १३:४०
प्रतिक्रिया
