हिमाल प्रेस 
काठमाडौँ- स्वास्थ्य तथा जनसङ्ख्या मन्त्रालयको सेवा सिंहदरबारबाट सुरु गरिएको छ। मन्त्रालयका प्रवक्ता डा.प्रकाश बुढाथोकीले आजदेखि आंशिक रूपमा सिंहदरबारबाट सेवा प्रवाह भएको जानकारी दिए।
मन्त्री, दुई सचिव, नीति, योजना तथा अनुगमन महाशाखा र कर्मचारी महाशाखाबाट हुने सेवा प्रवाह सिंहदरबारबाट सुरु गरिएको हो।
सिंहदरबारस्थित नेपाली सेनाको नर्सिङ दल गणको खाली जग्गामा विश्व स्वास्थ्य संगठनले मन्त्रालयका लागि ६ वटा ‘प्रिफ्याव ब्लक’ बनाइदिएको छ।
‘मन्त्रालयका सबै शाखा सर्न अझै एक महिना लाग्छ,’ उनले भने, ‘तत्कालका लागि मन्त्री र दुई सचिव र दुई महाशाखाको काम सिंहदरबारबाट सुरु गरिएको हो।’
गत भदौ २४ गते भएको जेनजी आन्दोलनका कारण रामशाहपथस्थित मन्त्रालयमा आगजनी भएपछि अस्थायी रूपमा नेपाल स्वास्थ्य अनुसन्धान परिषद्को कार्यालयबाट मन्त्रालयले सेवा दिइरहेको थियो।
प्रकाशित: २३ मंसिर २०८२ १७:३८
प्रतिक्रिया
