हिमाल प्रेस 
काठमाडौँ- आईसीसी लिग २ अन्तर्गतको यूएई भ्रमणको तेस्रो खेलमा नेपालले अमेरिकाविरुद्ध दोस्रो झड्का लागेको छ। राम्रो साझेदारी बनाएर स्कोर बढाइरहेका ओपनर कुशल भुर्तेल आउट भएका छन्।
६५ बलमा दुई छक्का र दुई चौकाको मुद्दतमा भुर्तेलले ४७ रन बनाएका थिए।
१९.१ ओभरमा अमेरिकाका स्पिन बलर हर्मित सिंहले कुशल भुर्तेललाई आउट गरेका हुन्। अहिले क्रिजमा भीम सार्की र कप्तान रोहित पौडेल छन्। भुर्तेल र सार्कीबीच ८८ रनको साझेदारी तोडिएको छ।
यसअघि सुरुवातमै नेपालले पहिलो विकेटको रूपमा आसिफ सेखलाई गुमाएको थियो। सेख दोस्रो ओभरमा जम्मा २ रन बनाएर आउट भएका थिए।
प्रकाशित: १५ कार्तिक २०८२ १२:४१
प्रतिक्रिया
