हिमाल प्रेस 
घडी भवन, त्रिवि कीर्तिपुर।
काठमाडौँ– त्रिभुवन विश्वविद्यालयले परीक्षा स्थगित गरेको छ।
त्रिवि परीक्षा नियन्त्रण कार्यालयकाअनुसार यही भदौ २४, २५ र २६ गते (बिहान ७ देखि १० बजेसम्म र १२ बजेदेखि ३ बजेसम्म) हुने भनिएको स्नातक तह दोस्रो वर्ष (आंशिक तथा मौका) परीक्षा स्थगित गरिएको हो।
निमित्त परीक्षा नियन्त्रक डा. सूर्यकान्त कलौनीले सोमबार सूचना जारी गर्दै त्रिवि केन्द्रीय परीक्षा सञ्चालन समितिको बैठकले देशमा उत्पन्न असहज परिस्थितिका कारण देशभरिका सबै परीक्षा केन्द्रका परीक्षा स्थगित गर्नुपरेको बताएका छन्।
स्थगित भएका परीक्षा क्रमशः असोज २, ४ र ५ गते सोही समय र परीक्षा केन्द्रमा हुने उनले जानकारी दिए।
प्रकाशित: २३ भदौ २०८२ २१:५०
प्रतिक्रिया
