रौतहटमा सुटकेशभित्र भेटियो अपरिचित महिलाको शव

काठमाडौँ- रौतहटमा सुटकेशभित्र भेटियो अपरिचित महिलाको शव फेला परेको छ। शनिबार राति साढे ९ बजे रौतहटको गौर नगरपालिका ९ गौर सिरसिया सडक खण्ड अन्तर्गत मुडवलबा गेट नजिक सडक किनारमा शंकास्पद सुटकेश फेला परेको थियो।

जिल्ला प्रहरी कार्यालय रौतहटका सूचना अधिकारी डीएसपी राजु कार्कीका अनुसार डोरीले बाँधिएको अवस्थामा सुटकेश भेटिएको हो। बिहान आफै घटनास्थल पुगेको र सुटकेश खोलेर हेर्दा महिलाको शव भेटिएको उनले बताए।

उनका अनुसार सुटकेसभित्र मृत अवस्थामा फेला परेकी महिलाको घाँटीमा डोरी र सलले बाँधिएको छ। उनको नाकमा रगतका धब्बाहरू छन्।