हिमाल प्रेस 
काठमाडौँ- राष्ट्रिय जनमोर्चा नेपालले संघीयता खारेजीका लागि काठमाडौँ केन्द्रित आन्दोलन गर्ने भएको छ।
जनमोर्चाले आउँदो चैत २४ देखि चैत ३० सम्म विभिन्न ठाउँमा आन्दोलन गर्ने भएको छ। जनमोर्चाका महासचिव मनोज भट्टले चैत २४ मा शान्तिवाटिकामा दिउँसो २ बजे उद्घाटन कार्यक्रम हुने बताएका छन्। यहाँको सभालाई राजमो अध्यक्ष चित्रबहादुर केसीले सम्बोधन गर्नेछन्।
दोस्रो दिन चैत २५ गते दिउँसो २ बजे चाबहिल चोकमा सभा सम्पन्न हुनेछ । सो सभालाई राजमो नेता बोमबहादुर खत्रीले सम्बोधन गर्नेछन्।
तेस्रो दिन चैत २६ गते दिउँसो २ बजेको कार्यक्रम माइतीघर मण्डलामा सम्पन्न हुनेछ। यहाँको सभालाई महासचिव मनोज भट्टले सम्बोधन गर्नेछन्। चौथो दिन चैत २७ गते गोंगबुचोकमा दिउसो २ बजे नै सम्पन्न हुने कोणसभालाई नेकपा मसाल ५ नम्बर ब्युरोका प्रवक्ता तिलक जिसीले सम्बोधन गर्नेछन्।
पाँचौँ दिन चैत २८ गतेको दिउँसो २ बजेको कार्यक्रम न्यूरोड भूगोलपार्कमा सम्पन्न हुनेछ। सो सभालाई राजमो केन्द्रीय सल्लाहकार आनन्द शर्माले सम्बोधन गर्नेछन्।
छैटौँदिन चैत २९ गतेको कार्यक्रम दिउसो २ बजे भृकुटीमण्डपमा सम्पन्न हुनेछ। यहाँको सभालाई केन्द्रीय उपाध्यक्ष तथा प्रवक्ता दुर्गा पौडेलले सम्बोधन गर्नेछिन्।
सातौँ दिन अर्थात् अन्तिम दिनको कार्यक्रम चैत ३० गते शान्तिवाटिकामा नै सम्पन्न हुनेछ। यहाँको सभालाई राजमो केन्द्रीय अध्यक्ष चित्रबहादुर केसीले सम्बोधन गर्नेछन्।
