हिमाल प्रेस 
काठमाडौँ- नयाँ वर्ष २०८२ सालको पूर्वसन्ध्यामा भक्तपुरको गठ्ठाघरमा रहेको जर्मन होम्सले ‘न्यु इयर इभ’ कार्यक्रम गर्ने भएको छ। उक्त कार्यक्रममा वरिष्ठ लोकप्रिय गायक रामकृष्ण ढकाल एन्ड ब्यान्डको विशेष प्रस्तुति रहने आयोजकले जनाएको छ।
गायक ढकालको ब्यान्डलाई ‘न्यु इयर इभ एट जर्मन होम्स विथ राम कृष्ण ढकाल’ नाम दिइएको छ। कार्यक्रममा अन्य राष्ट्रिय कलाकारहरूको पनि प्रस्तुति रहने बताइएको छ। साथै कमेडी, साल्सा नृत्य र डी.जे सेसन पनि रहनेछ।
जर्मन होम्सको हलमा सुरु हुने कार्यक्रम यही चैत ३१ मा बेलुका ६ बजेदेखि राति १२ बजेसम्म चल्नेछ। कार्यक्रम उद्घोषिका रीमा विश्वकर्माले सञ्चालन गर्नेछिन्।
नयाँ ऊर्जाका साथ २०८२ साललाई स्वागत गर्न कार्यक्रमको आयोजना गरेको जर्मन होम्स होटेल इभेन्ट भेन्युका सञ्चालक एवम् कार्यकारी निर्देशक राजन कार्कीले जानकारी दिए।
कार्यक्रममा करिब २ हजार दर्शक सहभागि गराउने आयोजकको लक्ष्य छ। कार्यक्रममा सहभागि हुन चैत २२ गतेबाट खल्ती एप मार्फत टिकट बुकिङ गर्न सकिनेछ।
