हिमाल प्रेस 
तातोपानी नाकाबाट भित्रिएको मालबाहक कन्टेनर। फाइल तस्बिर
काठमाडौँ– इन्धन र खाद्य तेलले नेपालको आयात बजारमा प्रभुत्व कायम राखेका छन्। भन्सार विभागले शुक्रबार जारी गरेको वैदेशिक व्यापार व्यापार तथ्यांकअनुसार प्रशोधित खाद्य तेल, गलैंचा र अलैंचीले देशको प्रमुख आम्दानीको स्रोत बनेका छन्। विभागले पछिल्लो आठ महिनाको तथ्यांक सार्वजनिक गरेको तथ्यांकअनुसार आयात र निर्यात हुने प्रमुख वस्तुहरू यस प्रकार छन् :
आयात
डिजेल : नेपालको आयात खर्चको प्रमुख हिस्सा डिजेल यातायात र औद्योगिक कार्यहरूका लागि खपत हुँदै आएको छ।
क्रुड सोयाबिन तेल : नेपाल प्रशोधित सोयाबिन तेलको प्रमुख निर्यातकर्ता हो। नेपालले प्रशोधन र पुन: निर्यातका लागि क्रुड सोयाबीन तेल आयात गर्दै आएको छ।
पेट्रोल : देशमा सवारीसाधनको संख्या बढ्दै जाँदा पेट्रोल सबैभन्दा धेरै आयात हुने वस्तुहरू मध्ये एक बनेको छ।
एलपी ग्यास : खाना पकाउन व्यापक रूपमा प्रयोग हुने एलपीजी एक आवश्यक आयात वस्तु बनेको छ।
कच्चा फलाम : निर्माण र उत्पादन उद्योगहरूमा प्रयोग हुने कच्चा फलाम आयात सूचीमा अगाडि छ।
निर्यात
सोयाबिन तेल : नेपालको अग्रणी निर्यात वस्तु हो।
सूर्यमुखी तेल : सूर्यमुखी तेल नेपालबाट निर्यातमा हुने सूचीमा दोस्रो स्थानमा छ।
गलैँचा : नेपालको हस्तनिर्मित गलैँचा उद्योगले निर्यात क्षेत्रमा ठूलो योगदान दिइरहेको छ।
अलैँची : नगदे बालीको रूपमा अलैँचीले अन्तर्राष्ट्रिय बजारमा मुख्य निर्यातका रूपमा स्थान कायम राखेको छ।
रोल्ड आइरन/स्टिल : औद्योगिक उत्पादनको वृद्धिसँगै रोल्ड आइरन र स्टिल उल्लेखनीय निर्यात वस्तुका रूपमा स्थापित भएको छ।
