हिमाल प्रेस 
तस्बिर : आईसीसी
काठमाडौँ- आईसीसी च्याम्पियन्स ट्रफीको पहिलो सेमिफाइनल खेलमा अस्ट्रेलिया पराजित बनेको छ। चिरपरिचित प्रतिस्पर्धी भारतसँग हार व्यहोर्दै अस्ट्रेलिया बाहिरिएको छ। भारत भने ४ विकेटको जित निकाल्दै उपाधि नजिक पुगेको छ।
अस्ट्रेलियाले दिएको २६५ रनको लक्ष्य भारतले ४८.३ बलमा भेट्टाउँदै फाइनलको यात्रा सुनिश्चित गरेको हो।
भारतको जितमा विराट कोहलीले ८४ रन बनाए। केएल राहुल ४२ रन, कप्तान तथा अोपनर रोहित शर्मा र हार्दिक पाण्ड्याले समान २८ रन थपे। अक्षर पटेल २७ रन बनाउँदा बोल्ड आउट भए।
यूएईको दुवई इन्टरनेशनल क्रिकेट स्टेडियममा टस जितेर ब्याटिङ गरेको अष्ट्रेलिया ३ बल अगावै २ सय ६४ बनाउँदा आलआउट भयो।
कप्तान स्टेभन स्मिथले बनाएको ७३ रन नै अष्ट्रेलियाका लागि सर्वाधिक रह्यो। एलेक्स केरीले ६१ रन थपे। ट्राभिस हेडले ३९ रन बनाए।
भारतका लागि मोहम्मद सामीले ३ विकेट लिए। वरुण चक्रवती र रविन्द्र जडेजाले समान २ विकेट लिए। हार्दिक पाण्ड्या र अक्षर पटेलको नाममा समान एक विकेट रह्यो। भारतले अब उपाधिका लागि दोस्रो सेमिफाइनलको विजेतासँग यूएईमा नै खेल्नेछ।
दोस्रो सेमिफाइनलमा न्युजिल्यान्ड र दक्षिण अफ्रिका भिड्नेछन्। सो खेल पाकिस्तानको लाहोरमा दिउँसो पौने ३ बजे सुरु हुनेछ।
फाइनल खेल आइतबार दुवैमा हुनेछ।
