केपी ओली कप : सनिश उत्कृष्ट खेलाडी, विशाल उत्कृष्ट गोलकिपर

काठमाडौँ- दशरथ रंगशालामा सोमबार सम्पन्न केपी ओली कपमा डिफेन्डर सनिश श्रेष्ठ उत्कृष्ट खेलाडी घोषित भएका छन्। मच्छिन्द्र क्लबका सनिश श्रेष्ठ सर्वोत्कृष्ट खेलाडी चुनिएका छन्। उनलाई १ लाख रुपैयाँ र यामाहा बाइक प्राप्त गरे।

मछिन्द्रकै स्टेफेन जनाहा जाली सर्वाधिक गोलकर्ता, विशाल श्रेष्ठ उत्कृष्ट गोलकिपर र आर्मीका निराजन धामी उदयीमान खेलाडी चुनिए।

तीनै जनाले जनही ५० हजार रुपैयाँ र यसमाहा मोटरसाइकल प्राप्त गरे। दशरथ रंगशालामा आज भएको फाइनल खेलमा त्रिभुवन आर्मी फुटबल क्लबलाई २-० ले हराउँदै मच्छिन्द्र एफसी उपाधिमा ह्याट्रिक गर्न सफल भएको थियो।

प्रतियोगिताको विजेता मच्छिन्द्रले १५ लाख ११ हजार ११ हजार १११ र उपविजेता आर्मीले ५ लाख रुपैयाँ प्राप्त गर्यो।