राष्ट्रपति पौडेलको उपस्थितिमा मनाइयो प्रजातन्त्र दिवस

हिमाल प्रेस ७ फागुन २०८१ १२:०८
12
SHARES
राष्ट्रपति पौडेलको उपस्थितिमा मनाइयो प्रजातन्त्र दिवस राष्ट्रिय प्रजातन्त्र दिवस, २०८१ का अवसरमा काठमाडौँको सैनिक मञ्च टुँडिखेलमा बुधबार आयोजित विशेष समारोहमा सहभागी राष्ट्रपति रामचन्द्र पौडेल। तस्बिर स्रोत : राष्ट्रपति कार्यालय

काठमाडौँ- राष्ट्रपति रामचन्द्र पौडेल राष्ट्रिय प्रजातन्त्र दिवस, २०८१ का अवसरमा मूल समारोह समितिले सैनिक मञ्च टुँडिखेलमा बुधबार आयोजना गरेको विशेष समारोहमा सरिक भएका छन्। सो अवसरमा राष्ट्रपति पौडेलको सम्मानमा नेपाली सेनाले सलामी अर्पण गरेको थियो।

नेपाली सेनाको हेलिकप्टरबाट राष्ट्रिय प्रजातन्त्र दिवस, २०८१ अंकित ब्यानर प्रदर्शन गरी पुष्पवृष्टि गरिनुका साथै शान्तिका प्रतीक परेवा उडाइएको थियो। त्यस्तै, नेपाली सेना, नेपाल प्रहरी, नेपाल स्काउट, सशस्त्र प्रहरी बलद्वारा ‘मार्चपास’ र ‘ब्यान्ड’ प्रस्तुत गरिएको थियो। काठमाडौँ उपत्यकाका विभिन्न नगरपालिकाले सो अवसरमा बाजागाजासहित विविध सांस्कृतिक झाँकी प्रस्तुत गरेका थिए।

समारोहमा उपराष्ट्रपति रामसहायप्रसाद यादव, प्रधानमन्त्री केपी शर्मा ओली, प्रधानन्यायाधीश, प्रतिनिधिसभाका सभामुख देवराज घिमिरे, राष्ट्रियसभाका अध्यक्ष नारायणप्रसाद दाहाल, उपप्रधानमन्त्रीहरू, मन्त्रीगण, सांसदहरू, संवैधानिक निकायका प्रमुख र पदाधिकारी, नेपाल सरकारका उच्चाधिकारी, कूटनीतिक नियोगका प्रतिनिधि, समाजका विभिन्न क्षेत्रका प्रतिनिधिको सहभागिता थियो।

प्रकाशित: ७ फागुन २०८१ १२:०८

प्रतिक्रिया

Leave a Reply

Your email address will not be published. Required fields are marked *

fifteen + 14 =


© Nepali horoscope

© Gold Price Nepal

© Nepal Exchange Rates
© Nepal weather forecast