हिमाल प्रेस 
फाइल तस्बिर।
चितवन- चितवनमा गैँडाको आक्रमणबाट एक जनाको मृत्यु भएको छ। मंगलबार दिउँसो माडी नगरपालिका-३ का ५६ वर्षीय छविलाल बोटेको गैँडाको आक्रमणबाट मृत्यु भएको हो।
चितवन राष्ट्रिय निकुञ्जसँगै रहेको रिउ खोलाको काँसघारीमा भैँसी चराउन गएका बोटेलाई गैँडाले आक्रमण गरेको चितवन प्रहरी प्रमुख एसपी गौतम मिश्रले जानकारी दिए। उनका अनुसार गैँडाको आक्रमणबाट बोटेको घटनास्थलमै मृत्यु भएको थियो।
प्रकाशित: १ माघ २०८१ १७:२०
प्रतिक्रिया
