विनयकाे नयाँ गीत ‘किन छिन् छिन्’ सार्वजनिक

हिमाल प्रेस २७ कार्तिक २०८१ ११:१७
8
SHARES
विनयकाे नयाँ गीत ‘किन छिन् छिन्’ सार्वजनिक

काठमाडौँ- ‘जब तिमी एक्लै थियौं’ गीतबाट गायन यात्रा सुरु गरेका गायक विनय कार्की क्षेत्रीले नयाँ गीत सार्वजनिक गरेका छन्। कार्कीले ‘किन छिन् छिन्’ बोलको गीत सार्वजनिक गरेका हुन्।

गायनमा उनलाई अञ्जना सारुले साथ दिएकी छन्। गायिका सारू इमेज लोक कलाकार सिजन १ की विजेता हुन्। गीतमा कमल खत्रीको शब्द तथा संगीत छ। नितिन चन्दको निर्देशनमा तयार पारिएको गीतको भिडियोमा श्रद्धा क्षेत्री, विक्राम पोखरेल तथा आरोही कार्की क्षेत्रीको अभिनय छ।

गीत सार्वजनिक भएपछि विनयले आफू लामो समयसम्म संगीत संयोजनमा व्यस्त भएकोले गायनमा समय दिन नसकेको बताए। कार्कीले अब भने आफू नियमित रुपमा गायनमा सक्रिय हुने बताएका छन्। गायनमा पुनः सक्रिय हुनकै लागि उनले ‘भ्वाइस अफ नेपालको दोस्रो सिजनकोमञ्च रोजेका थिए। ब्लाइन्ड अडिसनमा ‘भूमो’ गीत गाएका विनयले त्यतिबेला चारै जना जजलाई फर्काउन सफल भए।

यो गीतको अडिसन भिडियो सामाजिक सञ्जालमा भाइरल बनेको थियो। यद्यपी उनी दोस्रो चरणमै निराश हुनुपर्‍यो। उनले अब पुनः दर्शकको मन जित्ने अभियानमा लागेको बताउँदै त्यही सिलसिलामा ‘किन छिन् छिन्’ बोलको गीत सार्वजनिक गरेको बताए। आफ्नो गीत दर्शकले मन पराउनेमा उनी आशावादी छन्।

विनय पछिल्लो समय यूट्युब तथा टेलिभिजनमा लोकप्रिय रहेका टेलिश्रृखंलाहरुका पार्श्व संगीतकारसमेत हुन्। उनले ‘बुहारी’, ‘हल्कारा माइलो’, ‘जुठे’, ‘नारी’लगायत टेलिश्रृखंलाका पार्श्व संगीत दिएका छन्।

प्रकाशित: २७ कार्तिक २०८१ ११:१७

प्रतिक्रिया

Leave a Reply

Your email address will not be published. Required fields are marked *

one × 1 =


© Nepali horoscope

© Gold Price Nepal

© Nepal Exchange Rates
© Nepal weather forecast