हिमाल प्रेस 
चितवन- नारायणगढ-मुग्लिन सडकखण्डको १७ किलोमा आज बिहान भएको दुर्घटनामा चार जनाको मृत्यु भएको छ भने छजना घाइते भएका छन्।
जिल्ला प्रहरी कार्यालयका प्रहरी प्रवक्ता भेषराज रिजालका अनुसार आज बिहान ३ बजे मुग्लिनबाट नारायणगढतर्फ आइरहेको विद्युतीय सवारीसाधन (ईभी) र नारायणगढबाट मुग्लिनतर्फ गइरहेको बस एकापसमा ठोक्किँदा ईभीमा सवार गोरखा आरुघाट गाउँपालिका–१ का ४२ वर्षीय राजबहादुर गुरुङ, परिचय नखुलेका ४० वर्षीया महिला, ३२ वर्षीय र ३५ वर्षीय पुरुषको मृत्यु भएको हो।
दुर्घटनामा अन्य छजना घाइते भएका छन्। घाइतमध्ये दुई जनाको भरतपुर अस्पताल र चार जनाको चितवन शिक्षण अस्पतालमा उपचार भइरहेको छ। रासस
प्रकाशित: २३ कार्तिक २०८१ ७:०७
प्रतिक्रिया
