कृषि तथा वन विज्ञान विश्वविद्यालयले माग्यो उपकुलपतिको आवेदन

काठमाडौँ- कृषि तथा वन विज्ञान विश्वविद्यालयले रिक्त उपकुलपति पदका लागि आवेदन माग गरेको छ। उपकुलपति नियुक्तिका लागि नाम सिफारिस गर्न गठित छनोट तथा सिफारिस समितिले आवेदन माग गरेको हो।

समितिले कात्तिक २० गते स्वीकृत गरेको ‘कृषि तथा वन विज्ञान विश्वविद्यालयको उपकुलपति छनोट तथा सिफारिस सम्बन्धी कार्यविधि–२०८१’ बमोजिम दरखास्त आह्वान गरेको छ।

इच्छुक तथा योग्य व्यक्तिले कार्यविधिको अनुसूची १ मा उल्लेख गरिएको ढाँचामा प्रथमपटक सूचना प्रकाशित भएको मितिले १० दिनभित्र आवेदन दिनुपर्ने छ।

सिफारिस समितिले तीन जनाको नाम सिफारिस गर्ने र ती मध्येबाट एक जनालाई प्रधानमन्त्रीले नियुक्ति दिने व्यवस्था छ।