हिमाल प्रेस 
रुम्जाटार विमानस्थलमा सञ्चारकर्मीसँग कुराकानी गर्दै सांसद रामहरि खतिवडा। उनकै पहलमा रुम्जाटार विमानस्थलमा हवाई उडान पुनःसञ्चालनमा आएको बताइएको छ।
ओखलढुंगा- रुम्जाटार विमानस्थलमा हवाई उडान पुनःसञ्चालनमा आएको छ। करिब पाँच वर्षपछि आइतबार विमानस्थलमा पुनः उडान भएको हो।
विगतमा नियमित उडान हुँदा नेपाल एयरलाइन्सले काठमाडौँ–रुम्जाटार सेवा दिँदै आएको थियो। आइतबार समिट एयरलाइन्सले परीक्षण उडान गरेको छ। काठमाडौँबाट चालक दलका चारसहित १८ यात्रु लिएर आएको समिट एयरले अवतरण गरेको थियो।
वर्षाका कारण आएको बाढीले बिपी राजमार्ग बन्द हुँदा सिधा सवारीमा यात्रा गर्ने सम्भावना नभएकाले रुम्जाटारमा विमान आउँदा स्थानीयलाई यात्रा गर्न सहज भएको छ।
यस विमानस्थलमा नियमित उडानको पहल गरिएको सांसद रामहरि खतिवडाले बताए। उनका अनुसार प्रत्येक साताको आइतबार समिट एयर र बुधबार नेपाल एयरलाइन्सले सेवा दिने छन्।
काठमाडौँ–रुम्जाटारको भाडा चार हजार पाँच सय तोकिएको छ।
प्रकाशित: २१ असोज २०८१ ७:२३
प्रतिक्रिया
