हिमाल प्रेस 
तस्बिर : एपी
श्रीलंका– आर्थिक संकटमाथिको अवतरणपछि श्रीलंकामा शनिबार मतदान हुन लागेको छ।
राष्ट्रपति रनिल विक्रमासिङ्घेले अर्थतन्त्रलाई स्थिर बनाउन र महिनौंसम्मको खाद्यान्न, इन्धन र औषधि अभावको अन्त्य भएको दावी गर्दै नयाँ जनादेशका लागि निर्वाचनको घोषणा गरेका हुन्।
सन् २०२२ मा मन्दीका कारण आक्रान्त बनेका नागरिकले तत्कालिन निर्वाचित राष्ट्रपतिविरूद्ध आन्दोलित भएपछि देश छोडेर भागेका थिए भने विक्रमासिङ्घेले संकटका समय देशलाई नेतृत्व गरेर थलिएको अर्थतन्त्रलाई सम्हाल्दै झन्डै संकटग्रस्त हुनुपहिलेको अवस्थामा पु¥याएका छन्।
निर्वाचनमा आफूलाई मतदान गर्न आह्वान गर्दै प्रचारको अन्तिम समयमा विक्रमासिङ्घेले भने, ‘सबै आशा हराएको पहिलेको समयलाई सोच्नुहोस् र कसलाई मतदान गर्ने फैसला गर्नुहोस्। हामीले सत्ता सम्हाल्दा खाना, ग्यास, औषधि पाउनसक्ने कुनै आशा थिएन।’
उनले भने, ‘अब तपाईंसँग विकल्प छ। तपाईं आतंकको अवधिमा फर्कन चाहनुहुन्छ कि प्रगति गर्न चाहनुहुन्छ भन्ने निर्णय गर्नुहोस्।’
तर विक्रमासिङ्घेको कर वृद्धि गर्ने र राज्यले नागरिकका लागि दिएका अन्य सुविधाहरूलाई कसिलो पार्दै दातृ निकाय र यसमा पनि खासगरी आइएमएफको बेलआउटको सर्तहरू प्राप्त गर्दा नागरिकहरू उनीसँग ख्शी छन् वा छैनन् यो निर्वाचनले निर्णय दिनेछ। उनी संकटका समय नेतृत्व गरेको र देशलाई थप बर्बादीतिर जानबाट रोक्न सकेकोमा आफू विजयी हुनेमा आशावादी छन्।
विज्ञहरूका अनुसार श्रीलंकाको अर्थतन्त्र अझै पनि कमजोर छ। यहाँको ४६ अर्ब विदेशी ऋणको भुक्तानीको समय सन् २०२२ पछि सरकारी प्रतिवद्धता अनुसार फेरि आएको छ।
विक्रमासिङ्घेले निर्वाचित भएमा आफ्नो प्रयासबाट आएको कार्यक्रमलाई अगाडि बढाउने र आईएमएफसँगको सहकार्यमा कुनै विचलनतिर जान नदिने बताएका छन्।
‘निर्वाचन धेरै हदसम्म विक्रमासिङ्घेको सरकारले कसरी आर्थिक सङ्कट र आगामी सुधारलाई ह्यान्डल गरेको छ भन्नेमा जनमत सङ्ग्रह हुनेछ,’ अन्तर्राष्ट्रिय संकट समूहले यस हप्ताको एक रिपोर्टमा भनेको छ।
