हिमाल प्रेस 
प्रतिनिधिमूलक तस्बिर
पोखरा- स्याङ्जाको चापाकोटमा ट्रयाक्टर दुर्घटनामा चालकको मृत्यु भएको छ। मृत्यु हुनेमा पाल्पाको रामपुर नगरपालिका-४, देवीस्थान घर भई हाल चापाकोट-१०, बोटेटार बस्ने २८ वर्षीय महेन्द्र दमाई हुन्।
आइतबार साँझ ६ बजे चापाकोट-१०, बायोडाँडास्थित भित्री सडकमा बारीकुनाबाट माटो लिई चापाकोटतर्फ आउँदै गरेको लु ४ त २२१ नम्बरको ट्रयाक्टर अचानक सडकको भित्तामा ठोक्किएर दुर्घटना भएको थियो।
दुर्घटनामा घाइते चालक दमाईको उपचारका क्रममा चापाकोट अस्पतालमा साँझ ७ बजे मृत्यु भएको जिल्ला प्रहरी कार्यालय स्याङ्जाले जनाएको छ।
प्रकाशित: २७ साउन २०८१ २०:४०
प्रतिक्रिया
