![प्रार्थना सधैँ मेरो](https://himalpress.com/wp-content/uploads/2024/07/suraj.jpg)
उनका छन् अनेक चाह
पूरा गर्न पुकार्दैछु भगवान्
सधैँ मिलोस् सफलता
कर्ममा सधैँ लागोस् तन मन
नखसुन् आँसुका धारा
नदुखुन् मन त्यो
सदैव खुसी नै खुसी मिलोस्
प्रार्थना सधैँ मेरो
मुस्कान सधैँसधैँ रहोस्
नलुटुन् खुसी कसैले
हिँड्ने बाटो फूलैफूलको होस्
नबिझाऊन् मन कसैले
भेटिउन् माया गर्नेहरू
अप्ठ्यारोमा हात समाउनेहरू
खुट्टा तान्नेको कमी छैन यहाँ
दु:ख पाउँदा रमाउनेहरू
नआत्तिनु असफलता हात पर्दैमा
सफलता नजिक नजिक हुँदैछ त्यो
ठूला र विद्वान्हरू नलडी
माथि कहाँ पुगेको छ को?
हिम्मत नटुटोस् कहिले पनि
बल बुद्धि सधैँसधैँ मिलोस्
कीर्ति मातापिताको राख्नु
बचनले कसैलाई नबिझाओस्
लीन हुनु कर्मको ध्यानमा
खराब संगत कतै नलागोस्
जुनीजुनी पछिको मानव जीवनले
सफल सार्थकता पाओस्।
प्रकाशित: ५ साउन २०८१ ७:४०
प्रतिक्रिया