हिमाल प्रेस 
कास्की- साविक विजेता अर्जेन्टिना जारी संस्करणको कोपा अमेरिकाको क्वार्टर फाइनल पुगेको छ।
आज बिहानको खेलमा चिलीमाथि १-० को जित निकाल्दै अर्जेन्टिना क्वार्टर फाइनल पुगेको हो।
खेलमा एक मात्र निर्णायक गोल लाउटारो मार्टिनेजले गरेका थिए। ८७ औँ मिनेटमा लाउटारोले डिबक्सभित्रबाट गरेको प्रहार गोलमा परिणत भएको थियो।
समूह १ मा रहेको अर्जेन्टिना समूह विजेता बन्दै क्वार्टर फाइनल पुगेको हो। हालसम्म अर्जेन्टिनाले २ खेलबाट दुई जितसँगै ६ अंक बटुलेको छ।
यसअघि अर्जेन्टिनाले क्यानडामाथि जित निकालेको थियो। यता क्यानडा भने समान खेलबाट एक जित निकाल्दै समूहको दोस्रो स्थानमा छ। पराजित चिली २ खेलबाट एक हार र एक बराबरीले १ अंक बटुल्दा चौथो स्थानको पेरुको पनि समान अंक छ।
प्रकाशित: १२ असार २०८१ ९:१९
प्रतिक्रिया
