हिमाल प्रेस 
काठमाडौँ- दशरथ रंगशाला गुणस्तरहीन बनेपछि नेपालको घरेलु मैदानको खेल साउदी अरबमा हुने भएको छ।
नेपाल र संयुक्त अरब इमिरेट्स(यूएई)बीचको दोस्रो चरणको विश्वकप फुटबल छनोटको खेल साउदी अरबमा हुने भएको हो।
यसअघि यो खेल जुन ६ मा दशरथ रंगशालामा हुने तय थियो।
एसियाली फुटबल महासंघले दशरथ रंगशालाको मैदानको अवस्था, फ्लडलाइट र समग्र सुरक्षालगायत कुरामा प्रश्न उठाएपछि खेल साउदी अरबमा सारिएको हो।
अखिल नेपाल फुटबल संघ (एन्फा) का अनुसार खेल स्थानीय समयअनुसार बेलुका ७ बजे दमामको प्रिन्स मोहम्मद बिन फहद स्टेडियममा हुनेछ।
यसअघि रंगशालाकै कारण बहराइनसँगको खेल पनि नेपालले घरेलु मैदानमा खेल्न पाएको थिएन।
प्रकाशित: १६ जेठ २०८१ ८:११
प्रतिक्रिया
