हिमाल प्रेस 
कमलबहादुर शाह। फाइल तस्बिर
काठमाडौँ- सुदूरपश्चिम सरकारबाट नेकपा माओवादी केन्द्रका मन्त्री बर्खास्त भएका छन्।
मंगलबार मुख्यमन्त्री कमलबहादुर शाहले माओवादीका दुई मन्त्री र एक राज्यमन्त्रीलाई बर्खास्त गरेका हुन्।
बर्खास्त हुनेमा उद्योग, पर्यटन, वन तथा वातावरण मन्त्री रमेश धामी, सामाजिक विकास मन्त्री झपट साउद र उद्योग राज्यमन्त्री गीतादेवी माल रहेका छन्।
मुख्यमन्त्री शाहले सरकारमा सहभागी रहेका नेकपा एकीकृत समाजवादी र नागरिक उन्मुक्ति पार्टीका मन्त्रीहरुलाई भने बर्खास्त गरेका छैनन्।
सुदूरपश्चिम प्रदेशमा नेपाली कांग्रेसका १८, माओवादी केन्द्रका ११, एमालेका १०, नाउपाका ७, नेकपा एकीकृत समाजवादीका ४, राप्रपा एक र स्वतन्त्र एक जना सांसद छन् भने एउटा सिट रिक्त छ।
प्रकाशित: २२ फागुन २०८० १३:४६
प्रतिक्रिया
![बझाङ सवारी दुर्घटना : गम्भीर घाइते मन्त्रीसहित तीन जनालाई कोहलपुर ल्याइयो [फोटो फिचर]](https://himalpress.com/wp-content/uploads/2023/06/manti-shingh-4.jpg)
