मिटरब्याजसम्बन्धी सात सय ७९ उजुरी मिलापत्र

हिमाल प्रेस १५ फागुन २०८० १६:३१
12
SHARES
मिटरब्याजसम्बन्धी सात सय ७९ उजुरी मिलापत्र फाइल तस्बिर

बारा- अनुचित लेनदेन (मिटरब्याज)सम्बन्धी विवादमा हालसम्म सात सय ७९ वटा उजुरीमा मिलापत्र भएको जिल्ला प्रहरी कार्यालय बाराले जनाएको छ।

२०८० साल वैशाख १७ गतेदेखि जिल्ला प्रशासन कार्यालयमार्फत अनुचित लेनदेनसम्बन्धी उजुरी लिन सुरु गरिएको थियो। जसमा तीन हजार तीन सय २२ वटा उजुरी दर्ता भएका थिए।

जिल्ला प्रहरी कार्यालयका प्रहरी प्रवक्ता दधीराम न्यौपानेले गत वैशाख १७ गतेदेखि हालसम्म सात सय ७९ वटा उजुरीमाथि छलफल, समन्वय, सहकार्य गरी मिलापत्र गराइएको जानकारी दिए।

उनका अनुसार कूल २३ करोड ९२ लाख ३१ हजार सात सय ८२ बराबरको दाबी उजुरी परेकोमा हालसम्म विभिन्न माध्यमबाट सहमति, मिलापत्रमार्फत १५ करोड ११ लाख ३७ हजार चार सय ११ को टुंगो लगाइएको छ।

प्रकाशित: १५ फागुन २०८० १६:३१

प्रतिक्रिया

Leave a Reply

Your email address will not be published. Required fields are marked *

nine − 8 =