‘विज्ञान, गणित र अंग्रेजी विषयलाई विशेष प्राथमिकता दिनुपर्छ’

हिमाल प्रेस १२ फागुन २०८० १५:४९
42
SHARES
‘विज्ञान, गणित र अंग्रेजी विषयलाई विशेष प्राथमिकता दिनुपर्छ’

काठमाडौँ- संयुक्त राष्ट्रसंघका लागि नेपालका पूर्वस्थायी प्रतिनिधि प्रा.डा.जयराज आचार्यले मुलुकको विकासका लागि सीपमूलक शिक्षा आवश्यक भएको बताएका छन्।

नवोदित विद्या कुञ्ज उच्च माध्यामिक विद्यालयको ३१औँ अभिभावक दिवसका अवसरमा आज आयोजित कार्यक्रममा पूर्वराजदूत आचार्यले मुलुकको विकासका लागि व्यावसायिक एवं सीपमूलक शिक्षा आवश्यक भएको बताएका हुन्। उनले विज्ञान, गणित र अंग्रेजी विषयलाई देशका शैक्षिक प्रतिष्ठानले विशेष प्राथमिकता दिनुपर्नेमा जोड दिए।

काठमाडौँ महानगरपालिका–२६ का वडा अध्यक्ष ख्यामराज तिवारीले नेपाल हरेक वस्तुले धनी मुलुक भएको भन्दै त्यसलाई सही रूपमा उपयोग गर्न व्यावहारिक शिक्षालाई प्राथमिकता दिनुपर्ने बताए। गुणस्तरीय शिक्षाका लागि काठमाडौँ महानगरपालिका सहयोग गर्ने उनले बताए।

कार्यक्रममा वरिष्ठ कलाकार पशुपति शर्माले सांस्कृतिक कार्यक्रम प्रस्तुत गरेका थिए भने उत्कृष्ट विद्यार्थी तथा अभिभावकलाई सम्मान गरिएको थियो।


प्रतिक्रिया

Leave a Reply

Your email address will not be published. Required fields are marked *

eight − seven =