पाँच लाख डेनिस क्रोनसहित दुईजना पाकिस्तानी पक्राउ

हिमाल प्रेस ३ फागुन २०८० १५:४०
16
SHARES
पाँच लाख डेनिस क्रोनसहित दुईजना पाकिस्तानी पक्राउ प्रतिनिधिमूलक तस्बिर

काठमाडौँ- नेपाल प्रहरीले पाँच लाख डेनिस क्रोनसहित दुईजना पाकिस्तानी नागरिकलाई पक्राउ गरी आज सार्वजनिक गरेको छ। उनीहरू त्रिभुवन अन्तर्राष्ट्रिय विमानस्थलबाट बुधबार साँझ पक्राउ परेको प्रहरीले जनाएको छ।

पक्राउ पर्नेमा ३१ वर्षीय येसिन अहमद र ४८ वर्षीय मोहम्मद अदनान लखानी रहेको केन्द्रीय प्रहरी प्रवक्ता तथा प्रहरी नायब महानिरीक्षक भीमप्रसाद ढकालले जानकारी दिए।

उनले भने,‘फ्लाई दुबईको उडानबाट दुबईबाट नेपाल आएका उनीहरूलाई अन्तर्राष्ट्रिय उडानतर्फको आगमन टनेल गेटबाट करिब ९५ लाख ४३ हजार तीन सय ८४ नेपाली हुनआउने उक्त विदेशी मुद्रा अवैधरुपमा लुकाइछिपाइ लैजान लागेको अवस्थामा फेला पारी दुवै जनालाई पक्राउ गरेका छौँ।’

पक्राउ परेका पाकिस्तानी नागरिकलाई आवश्यक अनुसन्धान एवं कारबाहीका लागि राजस्व अनुसन्धान विभाग हरिहर भवन पुल्चोक ललितपुर पठाइने केन्द्रीय प्रहरी प्रवक्ता ढकालले बताए।

प्रकाशित: ३ फागुन २०८० १५:४०

प्रतिक्रिया

Leave a Reply

Your email address will not be published. Required fields are marked *

eight − 8 =