हिमाल प्रेस 
प्रतीकात्मक तस्बिर
अछाम– अछाम जिल्लाको मेल्लेख गाउँस्थित एउटा गोठमा खेलिरहेका दुई जना बालबालिकाको आगलागीमा परी मृत्यु भएको छ।
आज (बुधबार) साँझ जिल्लाको मेल्लेख गाउँपालिका-३ ठाटी दर्बा निवासी जयबहादुर बुढा र झंकरे बुढाको खरले छाएको गोठमा आगलागी हुँदा ६ वर्षीया निरुता बुढा र ३ वर्षीय अंकीत बुढाको मृत्यु भएको जिल्ला प्रहरी कार्यालय अछामका प्रमुख प्रहरी सन्तोष पाठकले जानकारी दिए। दुवै बालबालिकाको जलेको शव गोठबाट निकालिएको उनले बताए। -रासस
प्रकाशित: २४ माघ २०८० २०:५०
प्रतिक्रिया
