नारायणगढ-मुग्लिन सडक थप तीन साता दिउँसो बन्द हुने

हिमाल प्रेस १८ माघ २०८० २१:४२
12
SHARES
नारायणगढ-मुग्लिन सडक थप तीन साता दिउँसो बन्द हुने

भरतपुर- नारायणगढ-मुग्लिन सडक खण्ड थप तीन साता दिउँसो बन्द गरिने भएको छ। सो सडक खण्डको तुइन खोलामा पुल बनाउन चट्टान फोड्ने काम नसकिएपछि पुनः तीन साता दिउँसो सडक बन्द गरेर काम गर्न लागिएको हो।

आज (बिहीबार) जिल्ला प्रशासन कार्यालय चितवनमा भएको जिल्ला सुरक्षा समितिको बैठकले थप तीन साता सडक बन्द गरेर काम गर्ने निर्णय गरेको नागढु्गा-मुग्लिन सडक आयोजना पश्चिम खण्ड (नारायणगढ-मुग्लिन)का सूचना अधिकारी इञ्जिनियर कृष्ण आचार्यले जानकारी दिए। उनले अन्तिम पटकका लागि तीन साता सडक बन्द गरेर काम गर्न लागिएको बताए।

सो सडकमा बनाइनुपर्ने १९ पुलमध्ये चारवटा चार वर्षअघि निर्माण गरिएका थिए। बाँकी १५ पुल एकैसाथ ठेक्का लगाइएको थियो। २०७६ चैत १० गतेदेखि पुल निर्माण थालिएको हो।

प्रकाशित: १८ माघ २०८० २१:४२

प्रतिक्रिया

Leave a Reply

Your email address will not be published. Required fields are marked *

1 × 2 =