इरानमा नौजना विदेशी नागरिकको मृत्यु

तेहरान- इरानको दक्षिणपूर्वी प्रान्त सिस्तान र बलुचेस्तानमा अज्ञात सशस्त्र व्यक्तिहरूले शनिबार नौजना विदेशी नागरिकको हत्या गरेको अर्धसरकारी मेहर समाचार एजेन्सीले जनाएको छ।

सशस्त्र व्यक्तिहरूले शनिबार बिहान सरावन काउन्टीको एउटा घरमा विदेशी नागरिकको हत्या गरेको मेहरले बताएको छ। मेहरका अनुसार अहिलेसम्म कुनै पनि समूह वा व्यक्तिले घटनाको जिम्मेवारी लिएको छैन।

घटनाको थप अनुसन्धान भइरहेको मेहरले बताएकाे छ। रासस/सिन्ह्वा