हिमाल प्रेस 
काठमाडौँ– नेपालका लागि हुन्डाई गाडीको आधिकारिक विक्रेता लक्ष्मी इन्टरकन्टिनेन्टलले हुन्डाई न्यू इयर डिलाइट २०२४ योजना ल्याएको छ। पुस १६ देखि सुरु भएको योजनामा ग्राहकले ५ लाखसम्मको नगद छुट, विद्युतीय गाडीको खरिद गर्दा प्रोत्साहन स्वरुप ५० हजारको गो–ग्रीन बोनस प्राप्त गर्नेछन्।
यो योजनामा गाडी खरिद गर्दा १ वर्षसम्मको निःशुल्क बिमा तथा सवारी करका साथै तुरुन्तै मूल्यांकन तथा एक्सचेन्ज सुविधा पाउनेछन्। सबै हुन्डाई गाडीमा ३ वर्ष वारेन्टी, ६ वर्षको फ्रि सर्भिसिङ र विद्युतीय गाडीको ब्याट्रीमा ८ वर्ष र मोटरमा २ वर्ष वारेन्टी उपलब्ध हुनेछन्। लक्ष्मी इन्टरकन्टिनेन्टल प्रालि १७ शोरुम, १९ सर्भिस सेन्टर र ४३ भन्दा बढी चारजिङ पोइन्टमार्फत ग्राहकलाई सेवा प्रदान गरिरहेको छ।
प्रकाशित: १६ पुष २०८० १६:२२
प्रतिक्रिया
