हिमाल प्रेस 
काठमाडौँको लैनचौरस्थित एनसेल आजियाटाको कर्पोरेट भवन। तस्बिर : दिपेश श्रेष्ठ/हिमालप्रेस
काठमाडौँ- एनसेलको शेयर खरिदबिक्री भएको विषयमा दायर भएको रिटमा सर्वोच्च अदालतले कारण देखाऊ आदेश जारी गरेको छ।
प्रतिनिधिसभाका स्वतन्त्र सांसद अमरेशकुमार सिंहले गत मंसिर २२ गते दायर रिटमा आज मंगलबार न्यायाधीश प्रकाशमानसिंह राउतको इजलासले कारण देखाऊ आदेश जारी गरेको हो।
सांसद सिंहले एनसेल शेयर खरिदबिक्रीको कारोबारलाई मान्यता नदिन माग गर्दै सर्वोच्चमा रिट दायर गरेका थिए। एनसेल सेयर खरिदबिक्री प्रकरणमा संसदीय समितिले पनि आज प्रधानमन्त्री पुष्पकमल दाहाललाई बोलाएर जवाफ लिएको थियो। प्रधानमन्त्रीले एनसेल खरिदबिक्रीमा शंका गर्ने ठाउँहरू देखिएको बताए।
प्रकाशित: ३ पुष २०८० १५:४३
प्रतिक्रिया
