हिमाल प्रेस 
काठमाडौँ- हिमालयन रिइन्स्योरेन्स लिमिटेडले सर्वसाधारणका लागि प्राथमिक सेयर (आईपीओ) बिक्री खुला गरेको छ।
रिइन्स्योरेन्सले सर्वसाधारणलाई प्रतिकित्ता २ सय ६ रुपैयाँमा २ करोड ४९ लाख कित्ता आईपीओ निष्कासन गरेको हो।
यसअघि कम्पनीले वैदेशिक रोजगारीमा रहेका नेपालीलाई ३० लाख कित्ता, कम्पनीका कार्यरत कर्मचारीका लागि ६ लाख कित्ता तथा सामूहिक लगानी कोषलाई १५ लाख कित्ता आईपीओ निष्कासन गरी बाँडफाँट गरिसकेको छ।
कम्पनीको आईपीओमा न्यूनतम १० देखि अधिकतममा ३ लाख कित्ताका लागि आवेदन दिन सकिनेछ।
लगानीकर्ताले आईपीओमा पुस १ गतेसम्म आवेदन दिन सक्नेछन्। सो सययभित्र पूर्ण आवेदन नपरे निष्कासन अवधि पुस ११ गतेसम्म लम्बिने कम्पनीले जनाएको छ।
कम्पनीको सेयर निष्कासन तथा बिक्री प्रबन्धक एनएमबि क्यापिटल लिमिटेड छ।
प्रकाशित: २७ मंसिर २०८० ६:५७
प्रतिक्रिया
