कमल थापा भन्छन् : २०८४ अघि नै नेपालमा राजसंस्था स्थापना हुन्छ

हिमाल प्रेस २२ मंसिर २०८० १५:२३
24
SHARES
कमल थापा भन्छन् : २०८४ अघि नै नेपालमा राजसंस्था स्थापना हुन्छ

काठमाडौँ- राष्ट्रिय प्रजातन्त्र पार्टी नेपालका अध्यक्ष कमल थापाले २०८४ साल अगाडि नै नेपालमा राजसंस्था स्थापना हुने दाबी गरेका छन्।  रफत सञ्चार क्लबले शुक्रबार भक्तपुरमा आयोजना गरेको सञ्चार–संवाद कार्यक्रममा अध्यक्ष थापाले अब स्थापना हुने राजतन्त्र निरंकुश नभइ सर्वधर्म, समभावसहित माओवादीदेखि सनातनी हुने दाबी समेत गरे।

अहिलेको लुटतन्त्र, सर्वसत्तावादी र छाडातन्त्र अन्त्य हुने र अब स्थापना हुने राजसंस्था जनताले चुनेको संसद्अन्तर्गत रहने हुनाले राष्ट्रको अभिभावकको रूपमा रहेर राष्ट्र प्रमुखको विवाद सदाका लागि समाप्त हुने उनले बताए। अध्यक्ष थापाले ०६३ को राजनीतिक परिवर्तन असल मनसायले भएतापनि अहिले आएर संघीय गणतान्त्रिक व्यवस्था व्यवहारमा सफल भइसकेको परिप्रेक्ष्यमा नेपालमा राजसंस्था पुनः स्थापनाको विकल्प नभएकोमा जोड दिए।

थापाले राष्ट्रमा राजसंस्था, हिन्दुराज्य स्थापना गर्ने आन्दोलनप्रति आफू र आफ्नो पार्टीको स्वाभाविक नैतिक समर्थन रहने उल्लेख गर्दै दुर्गा प्रसाईंको आन्दोलनमा स्वतः समर्थन रहेको प्रस्ट पारे। राप्रपासँगको एकताको तत्काल कुनै सम्भावना नरहेको जिकिर गरे।

प्रकाशित: २२ मंसिर २०८० १५:२३

प्रतिक्रिया

Leave a Reply

Your email address will not be published. Required fields are marked *

8 + 4 =