हिमाल प्रेस 
इलाम- इलामको माई नगरपालिका–४ स्थित गरुवा आधाभूत विद्यालयबाट धनकुटाको नमस्ते झरनामा वनभोज गएको बस दुर्घटना हुँदा छ विद्यार्थी घाइते भएका छन् ।
आज बिहान १० बजेतिर कोसी राजमार्गअन्तर्गत धनकुटाको साँघुरीगढी गाउँपालिकामा राजमार्गबाट भित्तामा ठोेक्किएर दुर्घटना भएको धनकुटाका प्रहरी प्रमुख एसपी कृष्णप्रसाद कोइरालाले जानकारी दिए ।
उनका अनुसार दुर्घटनामा घाइतेमध्ये एक जनाको टाउकोमा चोट लागेको छ भने पाँच जना सामान्य घाइते छन् ।
घाइते सबैको धरानमा उपचार भइरहेको छ । ब्रेक फेल भएर ३३८० नम्बरको बस दुर्घटना भएको हो। बस नमस्ते झरनामा वनभोजका लागि जाँदै गरेको थियो।
पालिकापेजबाट
प्रकाशित: १६ मंसिर २०८० १३:०४
प्रतिक्रिया
