हिमाल प्रेस 
फाइल तस्बिर
गल्याङ– कालीगण्डकी राजमार्गअन्तर्गत आँधीखोलाको आँधीमुहानमा बनेको पुल सञ्चालनमा आएको छ। राजमार्गको बिहादी–सेतीवेणी–मिर्मी सडक खण्डअन्तर्गत आँधीमुहानमा पुल बनेपछि स्याङ्जाको पश्चिम क्षेत्रका साथै पर्वतको दक्षिण, गुल्मी र बाग्लुङ जिल्लाका पूर्वी भागका स्थानीयबासीको आवातजावतमा सहज भएको हो।
कालीगण्डकी राजमार्गअन्तर्गत गल्याङ नगरपालिका र कालीगण्डकी गाउँपालिका जोड्ने सेतीवेणी–मिर्मी सडक खण्ड १० किलोमिटर दूरीको हो। यही सडक खण्डलाई जोड्ने गरी रायमाझी/राजेश्वरी/पीटीआर अधिकारी जेभीले आँधीखोलामा ट्रस ब्रिज निर्माण गरेको इन्जिनियर पवित्रमणि आचार्यले जानकारी दिए। आचार्यका अनुसार पुल ९ करोड ६२ लाख ७९ हजार रुपैयाँमा ठेक्का सम्झौता भएको थियो।
अहिले स्याङजा–पर्वत खण्डको सडक निर्माणले तीव्रता पाएको छ। स्याङजा–पर्वतको ५३ किलोमिटरमध्ये सेतीवेणी–मिर्मी सडकको काम महादेव खिम्ती/आन्जना/पराजुली जेभी लम्जुङले निर्माण जिम्मा लिएर अगाडि बढाएको छ।
–रासस
