प्रहरीले भन्यो : व्यक्ति वा संस्था निश्चित गरेर मात्र भूकम्प पीडितलाई सहयोग गर्नू

हिमाल प्रेस १८ कार्तिक २०८० १५:०२
30
SHARES
प्रहरीले भन्यो : व्यक्ति वा संस्था निश्चित गरेर मात्र भूकम्प पीडितलाई सहयोग गर्नू प्रहरी प्रधान कार्यालय

काठमाडौँ- नेपाल प्रहरीले भूकम्प पीडितका लागि सहयोग माग्ने व्यक्ति वा संघ–संस्थाहरू आधिकारिक हो वा होइन भन्ने निश्चित गरेर मात्रै सहयोग गर्न आग्रह गरेको छ।

जाजरकोटको बारिकोट गाउँपालिका–१, रामीडाँडा केन्द्रबिन्दु बनाएर ६ दशमलव ४ रेक्टर स्केलको भूकम्प गएको थियो। भूकम्पपछि सहयोग गर्नेहरूले सामाजिक सञ्जालमार्फत विभिन्न अपिल गरिरहेका छन्।

यस्ता व्यक्ति वा संस्थाहरूबाट ठगिने सम्भावना भएको भन्दै प्रहरीले आधिकारिकता पुष्टि गरेर मात्रै सहयोग गर्न आग्रह गरेको हो।

‘भूकम्प पीडितहरूलाई इन्टरनेट वा अन्य माध्यमबाट आर्थिक वा अन्य सहयोग गर्दा सहयोग माग्ने व्यक्ति वा संघ–संस्थाहरू आधिकारिक हो वा होइन निश्चित गरेर मात्र सहयोग गर्नुहोला,’ प्रहरीले भनेको छ। पश्चिम नेपालमा शुक्रवार राति गएको भूकम्पमा परी हालसम्म १३८ जनाको मृत्यु भएको गृह मन्त्रालयले जनाएको छ।

प्रकाशित: १८ कार्तिक २०८० १५:०२

प्रतिक्रिया

Leave a Reply

Your email address will not be published. Required fields are marked *

3 × five =