हिमाल प्रेस 
काठमाडौँ– फिल्म ‘फर्की फर्की’ को शुभ मुहूर्त गरिएको छ। शुक्रबार ललितपुरको पाटनस्थित बंगलामुखी मन्दिरमा बिहान शुभ मुहूर्त गरिएको हो।
लभस्टोरी जनरामा बन्ने भनिएकाे फिल्ममा अनमोल केसी र जसिता गुरुङ मुख्य भूमिका रहनेछन्। अन्य कलाकार कृष्ण मल्ल, निर्मल शर्मा, विन्दा खतिवडा, अशिक गुरुङ, माओत्से गुरुङ, रुस्का वैद्य श्रेष्ठ, अर्नव घिमिरे, प्रेम पाण्डे र नयाँ कलाकार समृद्धि अर्याल, रवि काफ्लेलगायतकाे अभिनय रहनेछ। फिल्म सुयोग गुरुङले निर्देशन गर्नेछन्।
फिल्मको छायांकन मंसिर ११ मा पोखराबाट सुरु गरिने निर्माण टिमले जनाएको छ। काठमाडौँ र पोखरालगायत क्षेत्रमा नरेन्द्र मैनालीले छायांकन गर्नेछन्। फिल्ममा निर्देशक सुयोगकै कथा तथा पटकथा रहनेछ।
टिमले यसअघि आगामी जेठ ११ गतेलाई प्रदर्शन तोकिसकेकाे छ। फिल्म रोहित अधिकारी र ओम अग्रवालको लगानीमा निर्माण हुनेछ।
निमेष श्रेष्ठको सम्पादन गर्ने फिल्ममा रोमन बज्राचार्य, नरेन लिम्बु र अनमोल गुरुङको संगीत, अष्ट महर्जनको द्वन्द्व निर्देशन रहनेछ। फिल्मकाे प्रोडक्सन डिजाइनरमा शंकर पाण्डे रहेका छन्।
