उदाउँदो सूर्यलाई अर्घ्य दिई छठ समापन [तस्बिरसहित]

हिमाल प्रेस ४ मंसिर २०८० ७:३२
32
SHARES
उदाउँदो सूर्यलाई अर्घ्य दिई छठ समापन [तस्बिरसहित]

जनकपुरधाम- मिथिलाञ्चल मूल थलो भएकाहरूले सोमबार उदाउँदो सूर्यलाई अर्घ्य दिई छठ समापन गर्दैछन्।

पूजाका लागि नदी, तलाउ किनारमा बनाइएका छठघाटमा उनीहरूले उदाउँदो सूर्यलाई अर्घ्य दिन लागेका हुन्। यसअघि आइतबार अपराह्न व्रतालुले अस्ताउँदो सूर्यलाई अर्घ्य दिएका थिए।

छठका व्रतालुले कात्तिक शुक्ल षष्ठीको अपराह्न अस्ताउँदो र सप्तमीको बिहान उदाउँदो सूर्यलाई अर्घ्य दिने परम्परा छ। तर तिथिको घटबढका कारण सोमबार अष्टमी तिथि परेको छ। आइतबार बिहान षष्ठी तिथि परेको थियो भने बिहान ७:५२ मै सप्तमी तिथि लागेको थियो। सप्तमी तिथि सोमबार बिहान ५ :३९ बजेसम्म थियो।

प्रत्येक वर्ष कात्तिक शुक्ल चतुर्थीका दिन व्रत आरम्भ गरी सप्तमीको दिन पूरा गरिन्छ। छठमा विशेषगरी सूर्य र छठी माताको पूजाआराधना गर्ने परम्परा छ। विधिपूर्वक उपासना गर्नाले पारिवारिक सुख–समृद्धि प्राप्त हुने र छालाका रोग नाश हुने विश्वास गरिन्छ।

 

प्रकाशित: ४ मंसिर २०८० ७:३२

प्रतिक्रिया

Leave a Reply

Your email address will not be published. Required fields are marked *

sixteen − eight =