हिमाल प्रेस 
काठमाडौँ- सशस्त्र प्रहरी बल नेपालले रौतहटबाट ४ थान अत्याधुनिक हतियार बरामद गरेक छ। इन्टेलिजेन्स् ब्युरोले रौतहटस्थित यमुनामाइ नगरपालिका -३ स्थित एक घरबाट आइतबार दिउँसो ९ एमएम पेस्तोल ३ नाल , त्यसमा लाग्ने गोलि १३ वटा , म्याग्जिन ६ वटा तथा एयर गन १ नालसमेत बरामद भएको सशस्त्र प्रहरी बलका सहप्रवक्ता शैलेन्द्र थापाले जानकारी दिए।
सो घरमा हतियार लुकाएर राखिएको भन्ने विशेष सूचनाको आधारमा ब्युरोले आइतबार दिउँसो खानतलासी गरेको थियो। बरामद हतियारमध्ये २ नाल पेस्तोलमा मेड इन यूएसए र एक नालमा मेड इन इन्डिया लेखिएको छ। हतियारसहित मोबाइलको सिमकार्ड, मोबाइल, शेख एजाज अहमदको नाममा जारी गरिएको नागरिकतासमेत बरामद भएको डीएसपी थापाले बताए। सो क्षेत्रमा थप अप्रेसन जारी छ भने केही व्यक्ति घरभित्र ढोका थुनेर बसेको प्रहरीको भनाइ छ।
प्रकाशित: ३ मंसिर २०८० १५:५३
प्रतिक्रिया
