गुरुकुलमा ‘काल’ मञ्चन हुँदै

काठमाडौँ- नाटक ‘काल’ मञ्चन हुने भएको छ। नाटक थापागाउँस्थित आरोहण गुरुकुल, कुञ्ज नाटकघरमा मंसिर १४ देखि ३० गतेसम्म मञ्चन हुनेछ।

नाटकको परिकल्पना, लेखन र निर्देशन राम भजन कामतले गरेका हुन्।  एक्टा नेपालको प्रस्तुति र आरोहण गुरुकुल स्कुल अफ थिएटरको सहकार्यमा नाटक मञ्चन हुन लागेको हो।

निर्देशक कामतले सामाजिक सञ्जाल फेसबुक पेजमार्फत नाटकको पोस्टर सार्वजनिक गर्दै उक्त जानकारी दिएका हुन्। ‘मृत्यु रोज्ने मान्छेको मृत्यु खोज्ने जागीर’ उनले नाटकबारे उनले लेखेका छन्।

नाटक सोमबार बाहेक साताको प्रत्येक दिन दिउँसो साढे ४ बजे मञ्चन हुनेछ। साथै शनिबार १ बजे अतिरिक्त शो पनि हुनेछ।