कर्णालीको करिब ८९ प्रतिशत जनसंख्या आधारभूत खानेपानीको पहुँचमा

जाजरकोट- भौगोलिक रूपमा विकट मानिएको कर्णालीमा ८८.६ प्रतिशत जनसंख्यामा आधारभूत खानेपानीको पहुँच पुगेको छ।

जलस्रोत तथा ऊर्जा विकास मन्त्रालयको तथ्यांकअनुसार कर्णालीको ३ लाख ६६ हजार ३७ परिवारमध्ये ३५.६ प्रतिशत परिवारलाई बाहिर धारा जडान गरी घर परिसरभित्र पानी उपलब्ध हुँदै आएको हो।

त्यस्तै ४४.४ जनसंख्यालाई पाइपबाट घर परिसर बाहिर धाराको पानी उपलब्ध छ। ४ प्रतिशत परिवारले ट्युबवेलको पानी पिउने गरेको तथ्यांक छ। त्यस्तै २.१ प्रतिशत नागरिकले टाँकिएको इनारबाट र ०.१ प्रतिशतले जारको पानी प्रयोग गर्छन।

त्यस्तै खुला इनार र कुवाको पानी प्रयोग गर्ने घरधुरी संख्या २.५ प्रतिशत रहेको छ। त्यस्तै २.१ प्रतिशत जनसंख्याले खोलाको पानी प्रयोग गरिरहेको योजना महाशाखाका सीडीई गोपाल शर्माले जानकारी दिए।

सन् २०१९ को तथ्यांकअनुसार कर्णालीमा ३.५ प्रतिशत जनसंख्यालाई सुरक्षित खानेपानीको पहुँच पुगेको उल्लेख छ।