ओली अनुपस्थित रहेर स्थगित सर्वदलीय बैठक आज बस्दै

काठमाडौँ- संसद्मा प्रतिनिधित्व गर्ने दलहरूको बैठक आज बस्दैछ।

प्रमुख प्रतिपक्षी दल नेकपा एमालेका अध्यक्ष केपी शर्मा ओली अनुपस्थित भएपछि मंगलबार बस्न नसकेको बैठक आज बस्न लागेको हो।

बैठक आज बिहान ११ बजेका लागि बोलाइएको छ। एमालेले सुन तस्करी प्रकरणमा उच्चस्तरीय छानबिन समिति बनाउनुपर्ने मागसहित सदन अवरुद्ध गर्दै आइरहेको छ। सोमबार रातिको बैठकमा समिति बनाउने सहमति भएको थियो।

मंगलबारको बैठकले समितिको विषयमा मस्यौदा बुझाउने र बैठकले त्यसलाई अन्तिम रूप दिने तयारी गरेको थियो। तर, ओलीको अनुपस्थितिमा बैठक बस्न सकेको थिएन।