हिमाल प्रेस 
काठमाडौँ- जनमत पार्टीले मधेश प्रदेश सरकारबाट मन्त्री फेर्ने भएको छ। नयाँलाई प्राथमिकता दिन जनमतले एक जना मन्त्री र एकजना राज्यमन्त्री फिर्ता बोलाएको छ। पार्टीले फिर्ता बोलाएपछि विना विभागीय मन्त्री वसन्त कुशवाहा र राज्यमन्त्री सञ्जयकुमार यादव राजीनामा दिएका हुन्।
कुशवाहाले सम्हालेको भूमि व्यवस्था कृषि तथा सहाकारी मन्त्रालय जेठ ९ मा मुख्यमन्त्री सरोजकुमार यादवले खोसेर एकीकृत समाजवादीका गोविन्द न्यौपानेलाई नियुक्त गरेका थिए।
नयाँ मन्त्री चन्दन सिंह र राज्यमन्त्रीका लागि रञ्जु खंगलाई पठाउने जनमतले तयारी गरेको छ। सिंहलाई श्रम तथा यातायात मन्त्री बन्ने छन्।
मन्त्रिपरिषद् आजै विस्तारको तयारी छ।
प्रकाशित: १५ साउन २०८० १३:०६
प्रतिक्रिया
