हिमाल प्रेस 
फाइल तस्बिर
काठमाडौँ- साउन २ गतेदेखि जारी नेपाली कांग्रेसको केन्द्रीय कार्यसमितिको बैठक आज (बुधबार) सकिएको छ। अर्को बैठक असोज २ गते बस्ने निर्णय पनि कांग्रेसले गरेको छ। पार्टी विधानअनुसार हरेक दुई/दुई महिनामा केन्द्रीय कार्यसमितिको बैठक बस्नुपर्ने हुन्छ।
तर यसपटकको बैठक पनि करिब १ वर्षपछि मात्रै बसेको थियो। सभापति देउवाले आज अर्को बैठक असोज २ गते बस्ने जानकारी दिएका हुन्।
बुधबार साँझ सकिएको बैठकले पार्टीको महासमिति बैठक मंसिर ११ गतेदेखि १३ गतेसम्म गर्ने निर्णय पनि गरेको छ। कांग्रेसले पार्टीको १४औं महाधिवेशन हुँदा ०७८ मंसिरमा ६ महिनाभित्र नीति अधिवेशन गर्ने निर्णय भएको थियो तर उक्त अधिवेशन भने नहुने भएको छ।
त्यस्तै कांग्रेसले चुनावको समयमा कारबाहीमा परेका विभिन्न नेताहरूको कारबाही पनि फुकुवा गरेको छ।
प्रकाशित: १० साउन २०८० १९:५४
प्रतिक्रिया
